MATEMATIKKDAG!!!
Torvikbukt skule hadde matematikkdag tysdag 1. juni. Då hadde vi
praktisk matematikk, for å lære på andre måtar enn kun læreboka. Dette
var ein heil skuledag fylt med praktisk og morosam matematikk. Elevar
lærer ofte betre med konkretisering. Etter ein slik matematikkdag håpar
vi elevane vil sjå nytte av matematikk og tenkje på det som meir enn
berre eit lærebokfag. Vi har bruk for matematikk til veldig mykje i
dagleglivet. På denne måten håpar vi motivasjonen til faget vil bli endå
sterkare.
Døme på¨aktivitetar var å rekne ut areal og omkrins av fotballbana,
rekne ut farta si, tippe kva ulike gjenstandar vog, matematikkspel med
tal, sannsynligheit med terningar, og fylle ei 10-liters bøtte med vatn
ved hjelp av desilitermål og litermål. Vi hadde og ein konkurrranse der
det var om å gjere å gå eller springe med mest mogleg jamn fart i to
rundar av ei løype. Sondre vart vinnaren, med berre 6 hundredels sekund
i forskjell på første og andre runde!
Baking med matematikk som hovudfokus var og ein populær aktivitet. Mykje
å lære med liter, kilo osv.
Før sjølve dagen høyrde vi nokre negative utsagn om matematikk ein heil
dag. Inntrykket vart eit heilt anna då elevane fekk sjå kor morosamt og
lærerikt dette faktisk var! Det var påfallande mange smilande ungar
denne dagen, noko som seier oss kor viktig dette var med tanke på å
motivere elevane til matematikkfaget.
Torvikbukt skule har hatt generasjonstreff. Besteforeldre og folk i
bygda over 65 år
vart inviterte. Elevane stod for matservering og underhaldning på
treffet.
Underhaldninga bestod til dømes av song, Egner-Portpuri med utkledning
og
gitarspeling. Tuppen og Lillemor stakk jammen innom og. Etter
underhaldninga kosa vi
oss ilag med brødmat, vaflar og kaker. Det var veldig kjekt å møtest for
dei ulike
generasjonane. På denne måten opprettheld vi kontakt på tvers av
aldersgrensene.
Rivinga av gamleskulen.
21. desember byrja rivinga av gamleskulen. Firmaet
Bredesen frå Sunndalsøra hadde
rivingsoppdraget.
Bygget har stått der sidan 1923. På nokre få dagar vart huset som har
stått der i 87
år jamna med jorda. Veldig mange har minner frå skulegang i dette
bygget. Eitt rom i
1. etasje vart nytta til klasserom fram til 1985. Det same rommet vart
deretter
omgjort til arbeidsrom for lærarane. 1. etasje var i bruk til lærarrom
og kontor
fram til Torvik skole vart nedlagd til sommaren 2009. 2. etasje og
loftet har ikkje
vore bebudd sidan tidleg på 1970-talet.
Torvikbukt skule har lærarrom i den gamle sløydsalen i "nybygget", og
hadde difor
ikkje bruk for gamleskulen. Sidan bygget var i så dårleg forfatning, var
det ingen
annan utveg enn riving.
Fjelltur
onsdag 14. oktober
Endeleg slo finveret til, og vi kunne gå på fjelltur. Alle elevane gjekk
til Orsetsetra, der vi blant anna grilla pølser og leika oss. Ein del
sprekingar vart med vidare til Nøssa. Som du ser på bileta, er det mange
blide fjes å sjå. Det vart ein kjempedag for både elevar og vaksne!
Orsetsetra
Nøssa
Turdag på Ranheim!!
